Reto 2

Bos días!

Estes días que hai que quedar na casa, ante esta situación, moitos artistas están compartindo o seu talento con toda a sociedade.Para animarnos, para entreternos,para seguir creando arte e cultura e sobre todo,para facernos ver que é importante que todos agardemos na casiña a que pase esta treboada.
Unidos pola frase: #euficonacasa estamos podendo ver moitos concertos, pero tamén outras iniciativas como a do artista LEANDRO LAMAS.
Seguro que todos coñecedes os debuxos de Leandro, dos moitísimos libros que ten ilustrado, das súas láminas ou polos seus cadros. Ten un estilo moi recoñecible.

O primeiro día do confinamento publicou no seu Facebook un titorial para ensinarnos a pintar coma él, para facernos pasar unha tarde agradable e para animarnos a ficar na casa estes días.
Dende aquela, xa publicou máis, pero nós imos co primeiro.
Atreveste a facer un debuxo como o auténtico LEANDRO LAMAS?

1.Dividimos o papel en catro cadrados.

Son liñas auxiliares, así que pintámolas suaviño que despois hai que borralas.

2.Debuxa un rectángulo na metade inferior. Fixate que está centrado respecto ao eixo que divide a folla en dúas metades.

3. Copiando:

Se te fixas Leandro debuxou unha especie de semicírculo dobre na parte esquerda do rectángulo e unha especie de "montaña" na parte dereita do mesmo. Esta montaña, divide o rectángulo da dereita pola metade.

4.Tranqui imos por partes!!

-Debuxamos un círculo no cuadrante superior esquerdo ( será a cabeza deste humano) e un triángulo dentro da "montaña" do debuxo anterior ( son as pernas). Se te fixas, á dereita da montaña hai un rectángulo pequeniño que será a perna dereita.
-Pintamos un rectángulo ao redor do "rectángulo guía" e as patas deste sofá.
-Debuxamos un trapecio no cuadrante inferior esquerdo e un rectángulo no cuadrante inferior da dereita.

5.ORELLA,MESA,BRAZO,PÉ.

-Comeza a debuxar a cara facendo a orella e o pelo do humano.Segur debuxando un BRAZO e o PÉ dereito.
-Completa a MESA da dereita. Fíxate que hai tres liñas horizontais ( dúas arriba e unha abaixo) e dúas verticais a cada lado.
Fíxate no círculo que fixo Leandro no centro do debuxo.Que será?

6.CARA,LIBRO e GATO:

-Seguimos coa cara debuxando un ollo, o nariz e o que queiras no pelo.
-Comezamos a debuxar un LIBRO na man, e as follas da planta ( abaixo á esquerda).
-Resulta que o do centro do debuxo é un GATO.Debúxalle a cabeza e as orellas tí tamén.

7.CARA;ROUPA e GATO:

-Seguimos completando a cara ( cellas, ollo, labios, colorete...).
-Tamén a cara do GATO ( ollos, nariz, fuciño...).Non esquezas facerlle a cola.
-Vai pensando como será a roupa da túa humana.Leandro fíxolle un xersey con raias a xogo cos calcetíns.

8.PELO e PLANTA:

-Continuamos engadindo detalles no pelo da rapaza.
Na PLANTA pintamos dous tallos e para facer unhas flotrs no próximo debuxo.
-Fíxate que Leandro pintou tamén unha liña curva por detrás da rapaza e un cadrado diante do sofá. Que será?

9.FLORES:

-Como xa dixemos antes, debuxamos unhas flores nos talos que fixeramos na planta .
No can, á esquerda Leandro debuxou un vaso e un pratiño.
-Detrás de todo, fixo un triángulo xigante! podes velo? Debúxao!!

10.LÁMPADA:

-Aproveita a liña uía do centro do papel para debuxar unha lámpada ben fermosa!
-Podes engadirlle algún detalliño máis ao gato. Sabes que fixo Leandro?

11.DECORACIÓN:

-Podes decorar como queiras... os coxíns ( Leandro debuxuolle estrelas e flores), o vaso que hai no chan ( Leandro transformouno nunha cunca e debuxou unha culler) e o que hai na mesiña do tocadiscos ( Leandro pintou máis caixas de vinilos).

12.PLANTA:

-Mira como debuxou Leandro as follas da planta e como decorou a maceta.
-Tamén apareceron dous coxíns máis. Podes velos? Debuxaos!
Ademais , pintou o vapor saíndo da taza. Que beberá a rapaza?

13.TEITO:

-Leandro decorou o teito  cunhas liñas rectas.parece que a rapaza está lendo no faiado!!
-Tamén decorou os novos coxíns, con círculos e máis flores. Como os vas a decorar tí?

14.Engadimos o lema: #euficonacasa.

Tamén podes poñer o título do libro que le a rapaza ou pensar que música está a escoitar. O cadrado de diante do sofá é a caixiña dun vinilo.Podes escribir nel o nome da túa cantante favorita.

15:MARCOS:

-Leandro debuxou moitos marcos pola parede.Poden ser debuxos ou fotos.Pinta neles o que queiras!!
Ademáis, na parte inferior do debuxo, o artista pintou un rolo de papel hixiénico. Sabes por que??

16.COLOREA O DEBUXO E COLGAO NA FIESTRA DA TÚA CASA, QUE TODOS OS TEUS VECIÑOS SAIBAN QUE TÍ TAMÉN FICAS NA CASA ESTES DÍAS.

É a nosa responsabilidade!!!

Mándame unha foto!!!