superdezaoito: Día Mundial de Concienciación sobre o Autismo.

2 de abril. Día Mundial de Concienciación sobre o Autismo.

Campaña Podo APRENDER. Podo TRABALLAR

Baixo o lema “Podo aprender. Podo traballar”, a campaña do Día Mundial de Concienciación sobre o Autismo 2020-2021 pon o foco na educación e o emprego, dous ámbitos fundamentais para mellorar a calidade de vida das persoas con TEA e conseguir a súa participación efectiva na sociedade.

As persoas con TEA teñen dereito a acceder a unha educación de calidade que promova o seu éxito académico e o seu desenvolvemento persoal, pero que tamén facilite o seu acceso ao mercado laboral, atendendo para iso ás capacidades e necesidades específicas de cada unha.

O CEIP Lamas de Abade celebrou por todo o alto este día.

No Cole enchemos as ventás de globos azuis que é a cor que representa o Autismo ( a cor do mar, do ceo...), e así todos aprendemos algo máis.

En 6º A, sumámonos a esta campaña e durante toda unha xornada estivemos facendo un montón de actividades relacionadas co tema e viñemos vestidos tamén con roupa azul.

O que máis nos chama a atención na nosa clase son os problemas de comunicación que en xeral sofren estas persoas, e intentamos aprender as maneiras que existen e que podemos utilizar para achegarnos máis si se pode aos nosos compañeiros con TEA.

Como temos a Profe Carmen na nosa clase ,pedímoslle que nos dera unha charla sobre os diferentes métodos de comunicación alternativa que podemos utilizar.

Aprendemos que son os pictogramas e como os podemos utilizar, con taboeiros de comunicación, na tablet...tamén vimos como hai libros adaptados , anuncios de televisión con pictogramas e ata puxemos algunha canción tamén con pictogramas que alguén se animou a bailar.

E en relación a campaña desde ano que propón autismogalicia.org , cada un de nós buscamos a ferramenta ou obxeto co cal nos sentimos máis identificados e fixemos un video que estivo proxectado na entrada do colo durante todo o día 26. Quedou moi chulo.

https://youtu.be/0K9jruMV1qs