BO NADAL!!!!

Casi sen darnos de conta rematou o primeiro trimestre, traballamos moito, uns máis ca outros, pero en xeral todos puxemos moito da nosa parte e fixemos, na maioría dos casos todo o mellor que sabemos.
Agora toca descansar uns días e repoñer forzas para seguir camiñando neste curso tan duro que é quinto, un curso de cambio , xa de terceiro ciclo onde traballamos xa como maiores ,e comezamos a prepararnos para a vida adulta.
Aínda así non perdemos a ocasión para desearlles a todos un:
  BO NADAL E FELIZ ANO 2018 !!!

Feliz Cumple Ania !!!!

Coma sempre celebramos outro cumple, o de Ania!!! Parabéns!!!

Ania, de agasallo poñemos a túa canción favorita...

Día da Discapacidade

No cole andamos estes días a concienciarnos dos problemas que teñen no seu día a día as persoas con discapacidade.
Despois de pasear por todo o colexio fixándonos nas cousas que necesitaríamos para que o CEIP Lamas de Abade sexa un colexio adaptado ás persoas con discapacidade , escribímoslle un correo electrónico ao noso Director que é o seguinte:

Estimado Sr Director:

Con motivo da conmemoración do Día da Discapacidade, os alumnos e alumnas de 5º A, estivemos a observar o noso cole, notamos bastantes deficiencias en canto á adaptación para as persoas con discapacidade.

Escribímoslle este correo para darlle a coñecer as cousas que nós pensamos que se poden mellorar, xa sabemos que moitas delas non dependen de vostede, pero si pode poñelas en coñecemento das autoridades pertinentes.

A primeira necesidade, é a máis importante e que solicitamos a instalación dun ascensor, xa que si ven ao cole algún alumno ou profesor que necesite cadeira de rodas ou muletas, non pode subir as aulas.

Pedimos máis profesores de apoio.

Adaptación dos baños para persoas con discapacidade, un en cada planta.

Prazas de aparcamento de minusválidos fora do colexio.

Queremos rampas para os accesos ao cole, igual que sendeiros polo patio, xa que si ven alguén en cadeira de rodas non pode nin subir as pistas nin ir ao patio de infantil.

Sinais luminosas nas aulas, para que cando toque o timbre os xordos podan saber a hora que é.

Igual que hai pictogramas nas portas, tamén queremos letreiros en Braille.

Buses adaptados.

Materiais deportivos adaptados aos nenos cegos, por exemplo balóns con cascabeis.

Nas horas de libre disposición unha asignatura de lingua de signos.

Gustaríanos que cando houbera algunha festa con xantar se tiveran en conta as alerxias alimentarias.

Os colgadores da roupa nos armarios da clase están colocados moi altos, e teñen un escalón, si ven alguén que non se poida levantar non os podería utilizar.

E a última e máis importante é que  colaboremos para facer do noso cole un lugar moito mellor para todos!

Un saúdo:

Carla Barros, Maruxa, Brais, Xaquín, Mauro Lino, Paula, Uxía, Claudia, Sergio, Nora, Anxo , Hugo, Nicolás, Carla Munín, Ania, Amil, Sara Rita, Irea e Almudena.

Ademais nosa profe tivo unha idea, que foi aprender unha canción que nos gusta a todos ( da súa época) , aprendemos un baile e o estribillo aprendémolo en lingua de signos.

A parte da canción en lingua de signos veu a profe Desireé a ensinárnola, moitas grazas Desi!!

Tamén grabamos un video que resultou bastante gracioso...

Non á violencia

No día 25 de novembro tivemos un montón de actividades para conmemorar o día da non violencia: pintamos murais , visionamos na clase de 5ºC uns videos moi chulos , as Carlas fixeron un moi bo traballo sobre o tema e fixemos unha carreira todo o cole.

Os profes tamén correron...

Parabéns Carla!!

O día dous foi o cumple de Carla Barros, celebrámolo coma sempre cunha boa festa, esta vez colléunos na aula de plástica onde andabamos traballando nas mans de cor violeta que fixemos para o día da violencia de xénero.
Moitas Felicidades Carla!!!!

E aquí vai a túa canción favorita:

Magosto

Como todos os anos en Lamas celebramos o Magosto, é un día de festa, comemos castañas e xogamos a xogos tradicionais. Pasámolo xenial!!!!

"Soños de Nenos"

A mamá dunha compañeira de 5ºC, ven de publicar un libro de poemas para nenos precioso.

 Vaino presentar na Cidade da Cultura e dúas nenas da nosa clase van ler nese acto dous poemas, como todos non podemos ir a escoitalas , van ler os poemas tamén para nós,

Día das Bibliotecas escolares

O Día 24 de outubro celébrase o Día da Biblioteca. Van xa máis de dúas décadas desde que aAsociación Amigos del Libro Infantil y Juvenil propuxera esta data para facer fincapé nos beneficios destas institucións ao servizo da lectura, da cultura e da cidadanía. Posteriormente, o Ministerio de Cultura apoiou esta celebración e todos os anos edítase un cartel cun texto conmemorativo e realízase un acto de celebración oficial.

O departamento de Educación da Consellería de Cultura, Educación e O.U, pola súa parte, vén publicando desde 2008 uns carteis que pretenden facer visibles as distintas oportunidades e posibilidades da biblioteca escolar, porque o Día 24 de outubro é tamén o DÍA DA BIBLIOTECA ESCOLAR, por ser esta unha biblioteca esencial xa que por ela pasa toda a poboación escolar dun país. Cada ano proponse un lema e encárgase a súa interpretación a un creador ou a unha creadora do fértil mundo da ilustración en Galicia. Xosé Tomás é o ilustrador que este ano achega a súa creación a todas as bibliotecas escolares do territorio galego. Aprender a pensar coa biblioteca escolar, o lema elixido nesta ocasión, convida ao aproveitamento dos recursos, dos espazos, dos tempos e das actividades que a biblioteca facilita a toda a comunidade educativa. 

No noso cole, Abadiño propúxonos realizar un pequeno traballo , colocar un cartel nas escaleiras do primeiro andar con algún lema que faga referencia ao que nos inspira a lectura, nós fixemos un coas 18 razóns polas que nos gusta ler, este foi o resultado:

As outras clases tamén traballaron

As nosas razóns polas que nos gusta ler son:

Día dos Mortos 2017

Onte tivemos un día moi intenso, estivemos a celebrar "a nosa maneira" o día dos mortos, como xa sabedes comezamos estudando a fabulosa pintora Frida Kalho e ao seu home e tamén artista Diego Rivera, seguimos na forma en que se celebra en México o noso día de Samaín, alí chámanlle " Día de Mortos", son dous días moi alegres, onde se festexa a volta das persoas queridas xa mortas, para iso se lles fan uns altares onde se lles deixa todo aquilo que lles gustaba...
Na clase fixemos traballos sobre aqueles mortos "ilustres" que queremos que nos fagan unha visita aínda que sexa en forma de espíritos:
Angel Nieto,Rosalía de Castro, Marilyn Monroe, Michael Jackson, Picasso, Miguel Ángel, Johan Cruiff, Lady Di, Bob Marley, Fredy Mercury....
Adornamos a clase, está chulísima , e viñeron nenos de infantil coas súas profes de visita, nós fixemos quendas para explicarlles que era todo aquilo que tiñamos.
No vídeo vai un resumo do día.

Parabéns Anxo!!!!

Seguimos cos "cumples", esta semana imos de festa en festa...

E para celebralo imos escoitar unha música que lle gusta moito a Anxo

Concurso pequeno comercio

Algúns nenos da clase fixeron un traballo sobre o importante que é para todos nós o pequeno comercio, tivemos que facelo cos nosos pais e nais xa que nas bases do concurso pedían a autorización dos nosos pais, escribímolo e mandámolo por intertet.

Houbo taballos preciosos, pero non había premios para todos.

Unha das nosas compañeiras gañou un premio de 100 euros para gastar nos pequenos comercios da Coruña.

NORABOA CARLA BARROS !!!

Éste foi o seu traballo:

O COMERCIO

Eu vivo en Lestedo unha vila pequena que non ten grandes comercios, só tendas pequenas .

Para min son moi importantes os comercios pequenos, porque cando precisas algo podes ir mercarlo sin ter que coller o coche, o trato cos donos das tendas é moi cercano.

As veces estamos na casa e decatámonos que nos falta algo, e imos a tenda dando un paseo.

Temos varios ultramarinos, tamén unha mercería,unha libraría, unha farmacia e unha ferretería.

Eu vou falar dun ultramarinos, o de CARMIÑA.

Carmiña ten de todo:froita, pan, golosinas, productos de limpieza e ata medias e calcetíns.

Carmiña abre todos os días do ano menos Nadal e Ano Novo .O domingo so abre polas mañas , porque tamén precisa descansar.

No fin de semana imos buscalo pan fresquiño, para almorzar.

Gústame a de Carmiña porque cando vou alí a comprar algo sempre me da algunha golosina, ademais cando algún día pola noite precisas algo, chámala por teléfono e ela ábreche a tenda.

Carmiña vende moitas cousas da xente da zona: patacas, froita..... tamén ten a vender postres que fai ela.

A tenda é moi pequena, está todo moi amontoado pero moi colocadiño.....se eu non atopo algo, ela sempre sabe onde está.

Fai uns anos abriron un supermercado, todo o mundo pensaba, que Carmiña ía ter que pechar, os primeiros meses notou a competencia, pero o pouco tempo xa vendía coma antes.

As veces, como o comercio é tan pequeno a cola sae pola beirarrua.

Ter un pequeno comercio é moi sacrificado, a mesma persoa pasa moitas horas traballando, pero Carmiña sempre ten un sonrriso para te atender. Coñece a todos os clientes, si un día, tes que mercar algo, e non levas cartos!, Carmiña apuntao nunha libretiña, e podes pasar a pagar outro día.

Espero que estea aberta moitos anos máis, encántame ir esa tendiña, tan chusca.

 Foto da entrega de Premios, hai máis nenos do cole tamén gañadores.

Aquí Carla está a contarnos como pasou o día na Coruña.

E mira por onde, Carmiña vaise facer famosa !!!

PARABÉNS MARUXA!!

Hoxe celebramos o cumpreanos de Maruxa,cantamos e comemos chuches....pasámolo xenial!!

Imos agasallarte cunha das túas cancións favoritas

SLIME

Un día falamos na clase de "Slime", a Profe non sabía que era esa cousa, algúns de nos buscamos en internet receitas , convencimos a Almudena para facelo e puxémonos dacordo para levar todos os ingredientes que nos facían falta.

Tiñamos varias receitas, con e sen bórax, fixemos varios grupos e cada un experimentou unha das receitas.

Usamos purpurinas, palliñas,tintes alimenticios de cores, boliñas de porexpán...

O resultado....bueno.... mellor será que o vexamos!!!

O peor de todo foi como quedou a clase!!

Frida Kalho

A nosa profe gústalle moito a arte e sobre todo a pintura, díxonos que nos vai  falar de moitos pintores ao longo do curso; como vai vir o Samaín, que é como se festexa o día dos mortos en Galicia, falounos do Día dos Mortos en México, que é unha festa que se celebra nese país os días 1 e 2 de novembro , as  almas dos finados volven para pasar eses días coas súas familias e amigos, entón prepáraselles uns altares donde se lles deixan as cousas que a eles lles gustaban en vida.
Aproveitando esta festa, coñecimos aos pintores máis importantes de México, que son Frida Kalho e o seu home Diego Rivera.

Durante este mes imos facer moitos traballos sobre este tema, que xa os iremos mostrando.

Para empezar tamén aprendemos unha canción.

VISITA DA POLICIA NACIONAL

O día 19 chegou de sorpresa a nosa clase Pepe , o Director, acompañado dunha Policia que se chama Raquel para darnos unha charla sobre o acoso escolar e sobre os perigos das redes sociais.
Púxonos uns videos que nos impactaron moito, sobre todo un dun rapaz que lle pegaba a outro e os compañeiros non facían nada.
Falounos das redes sociais, de que somos ainda moi novos para utilizalas e que temos que ter moito coidado co seu uso.
Tomamos conciencia de que temos que tratar aos compañeiros como nos gustaría que nos tratasen a nós, e que eso chámase "empatía": poñerse no lugar do outro.

Grazas Raquel!!!

SISTEMA SOLAR

O primeiro tema de Sociais trata do sistema solar , universo e planetas, nós xa sabiamos moitas cousas doutros anos pero ainda así tivemos que estudar bastante .
Algúns dos nenos da clase fixeron nas súas casas traballos que nos axudaron moito para completar o tema.
Quedaron chulísimos!!! Grazas tamén aos axudantes...

TALLER DE NÓS

MIGUEL,o Papá de Nora ofrecéuse para ensinarnos a facer cousas con cordas, facendo nós,tivo moitísima paciencia porque emociónamonos moito; fixemos uns portachaves chulísimos, pasámolo fenomenal.
Grazas por vir!!!

Plástica

Os venres xusto antes do recreo temos clase de plástica, e despois dos ordenadores é o que máis nos gusta, e a nosa profe tamén, así que este curso imos a facer traballos moi chulos.
Para o primeiro día pintamos uns murais, primeiro trazamos liñas sen mirar e despois coloreamos con témperas os espazos que quedaron entre as liñas.

Menudos artistas!!